АВАРГЫН РАШААН 

Тосон нуураас урагш 6-7 орчим саахалтын газарт, хоол боловсруулах эрхтний архаг өвчнийг анагаах гидрокарбонат, натри, кальцийн найрлагатай нүүрсхүчлийн хийт уудаг рашаан байдаг. Тосон нуурын эмчилгээний тохиромжтой хугацааг зургаадугаар сарын сүүлчээс наймдугаар сарын сүүлч гэж үздэг. Мөн шавар болон уудаг рашааныг эмчилгээ, сувилгааны газрын нөхцөлд жилийн аль ч улиралд ашиглах боломжтой. Эдгээр рашааныг нийтэд нь аваргын рашаан гэж нэрлэдэг бөгөөд зүрх судас, үе мөч, мэдрэл арьс өнгөний болон дотор эрхтний олон төрлийн архаг өвчнийг анагаахын зэрэгцээ хүний биеийн эд эсийг сэргээж ядаргааг тайлах, хүч тамирыг сэлбэн сайжруулахад онцгой ач тус үзүүлдэг байна.